Sa Kinabuhing Kristohanon Show (a Bisaya Podcast Network) karong Domingo sa alas 6 sa buntag, ubani sila Pastor Dodz, Barok and Takya, ug ato hisgutan ang parabola sa Luke 14:15-24. Kon diin kini nagpakita nga daghan ang gipaabot sa Ginoo, apan daghan usab ang nagbuhat ug mga rason. Bisan pa, ang maayong balita mao nga giablihan gyud ang Iyang imbitasyon para sa tanan — ang pobre, ang gitalikdan, ug bisan kinsa nga moduol Kaniya.
Ang pagdawat sa Iyang pagtawag mao ang sinugdanan sa tinuod nga kaluwasan ug kinabuhing dayon. Ang imbitasyon sa Diyos dili lang para sa pipila, kundili para sa tanan nga andam mosulti ug “Oo, Ginoo, moanha ko.” Ug diha makasinati ka sa tinuod nga kalipay ug kauban sa Iyang gingharian.
Ayaw palabi ug rason, bayan. Ang imbitasyon sa Diyos buhi ug andam para nimo. Tan-awa ang among wali ni Pastor Bisaya live stream karong Domingo, alas 6 sa buntag (Philippine time) dinhi sa Kinabuhing kristohanon Show. Ug kung kini nga mensahe nakahatag ug value o nakapahikap sa imong kasingkasing, palihug i-subscribe ang among Bisaya Podcast YouTube channel aron makasuporta ka sa pagpadayon namo sa paghimo ug mas daghan pang makapadasig nga content sama niini.