Paminaw, pagmadasigon sa imong espirituhanong giya karon Domingo alas 6:00 sa buntag (Philippine time), manan-aw ta sa Kinabuhing Kristohanon Show (a Bisaya Podcast Network) uban nila Pastor Dodz, Barok and Takya sa usa ka makapadasig nga pagtuon sa Pulong sa Dios pinaagi sa topic nga “Ang Kasuko sa Hari Napildi sa Gahom sa Diyos | Bisaya Sermon.”
Gi-base ni sa Daniel 3:19-20, makita nato ang grabe nga kasuko sa usa ka hari nga si Nebuchadnezzar sa dihang misalikway sila Sadrac, Mesac ug Abednego sa idolatriya. Gisugo niya ang labing kusgan niyang mga sundalo aron ihigot sila ug ihulog sa nagdilaab nga hudno. Apan ang kasuko sa tawo dili gyud makapildi sa gahum sa Dios. Kay sa dihang ang tanan daw wala nay paglaom, gipakita sa Ginoo ang Iyang milagro, nga nagpamatuod nga ang pagtuo ug pagkamatinud-anon kanunay adunay ganti.
Kon nag-atubang man ka karon og mga pagsulay, pagpanghadlok, o mga sitwasyon nga nag-awhag kanimo sa pagbiya sa imong pagtuo, kining mensahe magdasig kanimo sa pagpabiling lig-on. Ang Dios nga nagluwas sa tulo ka matinumanong alagad mao gihapon ang Dios nga nag-uban kanato karon.
Busa, ayaw palampasa ang Kinabuhing Kristohanon Show (a Bisaya Podcast Network) livestream karong Domingo alas 6:00 sa buntag (Philippine time). Kuyog tah sa pagpamalandong sa Pulong sa Dios ug pagkat-on kon unsaon pagpabiling matinud-anon bisan pa sa pinakalisod nato nga kahimtang.
Kung nakaigo ni sa imong kasingkasing o adunay bili para nimo kining mensahe, palihug suportahi ang among ministry pinaagi sa pag-subscribe sa among Bisaya Podcast YouTube channel. Ang imong suporta makatabang aron makahimo pa mi og mas daghang makadasig, makapalig-on, ug makapaduol sa mga tawo ngadto sa Dios pinaagi sa inspirasyonal nga Christian content. God bless nimo bayan!
#bisayapodcast #kinabuhingkristohanon #walibisaya