Pagtubo sa pagtuo, paghiusa sa imong espiritu karong Domingo sa alas 6 sa buntag (Philippine time) sa Kinabuhing Kristohanon, kuyogi sila Pastor Dodz, Barok and Takya sa hilisgutan “Ang mga Pulong Mo Kay Usa ka Salamin sa Imong Kasing-kasing.” Nanggikan ni sa Mateo 12:33–36, gitudloan ta ni Jesus nga ang kinaiya sa usa ka tawo makita sa iyang mga pulong; kay kung unsa ang naa sa kasing-kasing, mao gyud na ang mogawas. Dili ka makakuha og maayong bunga sa daotan nga punoan, ug dili sad daotan nga bunga sa maayong punoan.
Kung atong hunahunaon bayan, ang mga pulong nato sa matag adlaw; ang mga reklamo, kasuko, o pagpanghambog, nagpakita kung unsay naa sulod kanato. “Ang mga pulong mo” dili lang basta istorya, kondili repleksyon ni sa atong tinuod nga kahimtang karon. Kung gusto nato mausab ang atong kinaiya, magsugod gayod ni sa pag-ayo sa sulod sa atong kasing-kasing. Kay kung limpyo ang atong kinaiya, maayong pulong usab ang mogawas, dili daotan, kundi puno sa gugma ug grasya.
Kung ang mensahe namo diri sa Kinabuhing Kristohanon Show (a Bisaya Podcast Network) nakaigo sa imong kasingkasing, nga ang atong mga pulong kay salamin sa atong kasing-kasing; hinaot nga magpadayon ta sa pagbag-o gikan sa atong kinaiya aron ang atong sinultihan mahimong puno sa kaayo ug gugma. Kung naka-inspire o naka-connect ka sa among panaghisgot nila Pastor Dodz, Barok and Takya, palihug subscribe sa among Bisaya Podcast YouTube channel. Ang imong suporta makatabang na sa paghimo pa og mas daghang mensahe nga magdala og kahayag ug paglaum sa daghang pang kasing-kasing.
#bisayapreaching #bisayasermon #kinabuhingkristohanon