Sa John 5:28-29, gisulti ni Hesu-Kristo nga moabot ang panahon nga ang tanan nga naa sa lubnganan maminaw sa Iyang tingog—ug mopahimutang Siya og kalainan sa ilang tinguha ug binuhatan. Ang mga matarong mabuhi pag-usab alang sa kinabuhing walay katapusan, apan ang mga dautan mabuhi aron atubangon ang paghukom. Usa ni ka tinuod nga pahimangno nga kinahanglan ta magpuyo uban sa kahadlok ug paghigugma sa Diyos.
Apan ayaw kahadlok bayan, kay pinaagi sa pasaylo ni Kristo, adunay paglaum ug kaluwasan. Ang pagkabanhaw dili lang usa ka sugilanon, kondili kini ang saad sa Diyos nga ang mga nagtuo ug naglakaw sa matarong nga dalan makabaton sa himaya ug kalinaw uban Kaniya. Kini nga kamatuoran magdasig kanato nga magkinabuhi ta nga puno sa pagtuo, kalinaw, ug paglaum bisan taliwala sa kalisod ug kasakit.
Busa, ubani kami karong Domingo sa alas 6 sa buntag (Philippine time), sa Kinabuhing Kristohanon Show (a Bisaya Podcast Network) uban nila Pastor Dodz, Barok and Takya, sa panag-istoryahay sa “Ang Pagkabanhaw sa Matarong ug Dautan sa Adlaw sa Paghukom.”
Kung nakapadasig ning mensahe sa imong kasingkasing karon, i-subscribe ang among Bisaya Podcast YouTube channel ug i-share kini nga mensahe aron mas daghan pa ang makadungog sa kamatuoran ug kaluwasan nga gikan sa Diyos. Sa imong gamay nga suporta bayan, makatabang ka namo sa paghimo ug daghan pang makapadasig nga mensahe nga magpahinumdom sa tanan sa gahum sa pagkabanhaw ug sa pasaylo nga naghatag kinabuhi. Kuyog ta sa pagtuon, pagtuo, ug paglaum sa Ginoo nga naghatag kinabuhi nga walay katapusan—Kinabuhing Kristohanon Show.
#CebuanoSermon #BisayaPodcast #filipinochristianliving