Susiha ang imong pagtuo, usba ang imong kinabuhi karong Domingo alas 6:00 sa buntag (Philippine time), kuyog kita sa Kinabuhing Kristohanon Show (a Bisaya Podcast Network) uban nila Pastor Dodz, Barok and Takya sa usa ka makapadasig nga pagtuon sa Pulong sa Dios pinaagi sa topic nga “Pagsalig ug Pagpaubos Mao ang Dalan sa Kalangitan.”
Gi-base ni sa bersikulo sa bibliya na Mateo 18:1-4, nangutana ang mga tinun-an ni Hesu-Kristo kung kinsa ang labing dako sa gingharian sa Dios. Apan lahi ang tubag ni Jesus. Gitawag Niya ang usa ka bata ug gitudloan sila nga ang dalan paingon sa langit dili pinaagi sa garbo, kundili pinaagi sa mapaubsanon nga kasingkasing ug hingpit nga pagsalig sa Dios. Ang tinuod nga pagkadako sa mata sa Ginoo dili makita sa kadungganan o gahum niya, kondili sa kinabuhi nga andam moalagad ug mosunod Kaniya.
Kung usahay mabati nimo nga kinahanglan ka pirmi’ng mopakita sa imong kaugalingon aron mailhan sa uban tawo, kining Bisaya sermon nila Pastor Dodz, Barok and Takya magpahinumdom kanimo nga ang Dios mas nagatan-aw sa kasingkasing kaysa sa atong kahimtang o kalampusan. Ang mapaubsanon nga tawo mao ang gipataas sa Ginoo.
Busa, duyog kanamo ug pamalandonga kon unsaon pagkinabuhi nga puno sa pagsalig ug pagpaubos aron mas moduol kita sa Dios ug sa Iyang gingharian.
Tan-awa ang wali Bisaya sa Kinabuhing Kristohanon karong Domingo alas 6:00 sa buntag (Philippine time). Dad-a usab ang imong pamilya ug mga higala aron dungan tang motubo sa pagtuo ug pagpamalandong sa Pulong sa Dios.
Kung ang Bisaya sermon namo diri sa Kinabuhing Kristohanon nakaabot sa imong kasingkasing, hinaot nga mahinumduman nimo nga ang tinuod nga kadak-on dili makita sa pagpasikat, kondili sa pagpaubos ug pagsalig sa Ginoo. Mao nang padayon ta sa paglakaw uban Kaniya nga adunay mapainubsanon nga kasingkasing. Bisitaha ang among official website ug paminawa ang imong mga higala nga mohunghong sa imong dunggan og mga mensaheng puno sa paglaum, pagdasig, ug kamatuoran. Ug kung ang pag-ambit nila Pastor Dodz, Barok and Takya nahimong panalangin sa imong dalang Kristohanong kinabuhi, palihug suportahi kami pinaagi sa pag-subscribe sa among Bisaya Podcast YouTube channel. Ang imong suporta makatabang aron mas daghan pa ang madani ngadto sa Pulong sa Dios.
#bisayasermon #kristohanon #walibisaya