Usahay dili nato mamatikdan bayan nga ang atong sobra nga tinguha sa kwarta, kabtangan, ug kalibutanong kalipay maoy hinay-hinay nang nag-usab sa atong kasingkasing. Tungod sa kahakog, mahimo natong makalimtan na ang Dios, mapasakitan ang uban, ug mawala na ang kalinaw nga dugay na natong gipangita.
Pagsuhid sa adlaw-adlaw nga kinabuhi uban ang pagtuo ug kalipay karong Domingo alas 6:00 sa buntag (Philippine time), kuyogi sila Pastor Dodz, Barok and Takya sa Kinabuhing Kristohanon Show (a Bisaya Podcast Network) samtang atong hisgutan ang makapamalandong nga topic: “Ayaw Tugoti na ang Kahakog maoy Modumala Nimo sa Kalibutanon.”
Nagbase kini sa Roma 8:6-10, atong makita ang kalainan sa pagkinabuhi nga kontrolado sa atong tawhanong mga tinguha ug sa pagkinabuhi nga gigiyahan sa Espiritu sa Dios. Ang hunahuna nga nakapokus lang sa kaugalingong gusto ug mosangpot sa pagkawalay kalinaw ug espirituwal nga kamatayon. Apan kung tugotan nato ang Espiritu Santo nga mogiya sa atong hunahuna ug mga desisyon, makasinati kita og tinuod nga kinabuhi ug kalinaw.
Pamalandongi kini, bayan: Mas importante ba para nimo ang mga butang nga imong maangkon dinhi sa kalibutan kaysa sa imong relasyon kang Kristo? Ang pagkahakog ug sobra nga pagtinguha sa mga butang nga kalibutanon mahimong makapahilayo sa atong kasingkasing sa Dios. Dili daotan ang maningkamot sa kinabuhi, apan dili nato angay tugotan nga ang atong mga kabtangan ug tinguha maoy modumala sa atong kinabuhi.
Dili ang kadaghan sa atong naangkon ang sukdanan sa tinuod nga kalipay. Bisan unsa pa kadaghan ang atong kabtangan diri sa kalibutan, dili kini makahatag sa kalinaw nga gikan sa Dios. Ang tinuod nga kinabuhi dili lang mahitungod sa atong mga gusto, kondili sa pagtugot sa Dios nga mag-usab sa atong kasingkasing ug magtudlo kanato kon unsay angay unahon.
Busa tan-awa ang Kinabuhing Kristohanon Show karong Domingo alas 6:00 sa buntag (Philippine time)! Kuyog nila Pastor Dodz, Barok and Takya sa pagtuon sa pulong sa Dios ug sa pagpamalandong kung unsaon nato paglikay nga makontrol sa kahakog ug mga tinguha sa kalibutan.
Kung kini nga mensahe adunay bili para nimo, nakatandog sa imong kasingkasing, o nakapalig-on sa imong pagtuo, palihug Subscribe sa among Bisaya Podcast YouTube channel. Ang imong suporta makatabang kanamo sa paghimo pa og daghang makapadasig nga content nga makahatag og kaalam, paglaom, ug kalig-on sa pagtuo.
Busa, ayaw tugoti nga ang kahakog maoy modumala sa imong kinabuhi. Ibutang si Kristo sa sentro sa imong kasingkasing, ug tugoti ang Espiritu sa Dios nga maoy mogiya sa imong mga desisyon. Kay ang tinuod nga bahandi dili lang makita sa atong naangkon, kondili sa kinabuhi nga duol sa Dios.
#Kristohanon #FilipinoChristian #BisayaSermon