Palamboa ang imong pagtuo, pagkinabuhi nga Inspirado karong Domingo alas 6 sa buntag (Philippine time) sa Kinabuhing Kristohanon Show (a Bisaya Podcast Network), kuyogi sila Pastor Dodz, Barok and Takya sa paghisgot sa tema “Dili Lang Mga Pulong, Kundi Aksyon sa Paghinulsol.” Gikan ni sa sambingay sa Duha ka Anak sa Mateo 21:28-32, ug atong tan-awon kon unsa gyud ang pasabot ni Jesus, nga dili igo ang imong mga pulong kung walay aksyon nimo. Ang tinuod nga paghinulsol makita sa buhat, dili lang sa mga saad.
Siguro pareho ta, usahay dali ra kaayo moingon og “Lord, magbag-o na ko,” pero lisod diay buhaton. Maong importante nga masabtan nato ang leksyon sa maong sambingay, nga mas maayo ang kasingkasing nga andam mohinulsol ug molihok, kaysa sa mga pulong nga walay tinuod nga pagtuman. Ang paghinulsol dili mana kahuyang; maoy nay sugod sa bag-ong direksyon ug tinuod nga aksyon sa atong pagtuo.
Kung ang panag-istoryahay namo diri sa Kinabuhing Kristohanon nakaigo sa imong kasingkasing ug nakapukaw sa imo nga ang tinuod nga pagtuo makita sa buhat, dili lang sa mga pulong nga gilitok nato, salamat sa pag-uban kanamo. Kung nakahatag kini og kahayag ug paglaum nimo karon, amo kang gihangyo nga maka-subscribe ka sa among Bisaya Podcast YouTube channel. Ang imong gamay nga click kay dako na og epekto; makatabang ni nga mas daghan pa ang makadungog sa Pulong sa Diyos ug madasig sa pagpadayon sa ilang pagtuo karon.
#sambingay #pulongsadiyos #kinabuhingkristohanon