Giyahi ang imong panaw diha sa pagtuo karong Domingo alas 6:00 sa buntag (Philippine time), kuyog tah sa Bisaya Podcast uban nila Barok and Takya, with Pastor Dodz, sa usa ka makapadasig ug makapahunahuna nga panaghisgot sa topic nga “Unsay Ibilin Nimo Luho o Maayong Kabilin?”
Gibase kini sa Ecclesiastes 7:1, gipahinumdoman kita sa Dios nga ang maayong reputasyon mas bililhon pa kaysa mahalon nga pahumot ug mga butang nga lumalabay lamang diri sa kalibutan. Ang kalibutan nato mahimong mang-engganyo sa atong mga naangkon, apan ang kasingkasing makahinumdom sa atong pagkamatinud-anon, pagkamahigugmaon, ug sa kaayohan nga atong nahatag sa uban.
Hunahunaa kadyot kon unsa ang gisulti sa imong adlaw-adlaw nga pagpili bahin sa imong kinabuhi? Nagtipig ba ka og bahandi nga mawala ra, o nagtukod ba ka og kabilin nga magpabilin bisan wala na ka? Kining mensahe namo mahimong makahatag og bag-ong panan-aw sa tinuod nga bili sa usa ka kinabuhi nga gipahinungod sa Ginoo.
Busa, ayaw palampasi kining makahuluganon nga pagtuon sa Pulong sa Dios! Tan-awa ang Bisaya Podcast livestream show karong Domingo alas 6 AM (Philippine time) ug dad-a usab ang imong pamilya ug mga higala aron magdungan ta sa pagkat-on ug pagdasig.
Kung ang mensahe namo diri sa Bisaya Podcast naka-inspire ug naka-connect sa imong kasingkasing, hinaot nga magpadayon ka sa pagtukod og kinabuhi nga puno sa integridad, gugma, ug pagtoo sa Dios. Kay sa katapusan, dili ang atong mga bahandi ang mahinumduman sa mga tawo, kundili ang maayong impluwensya ug panulondon nga atong gibiyaan. Bisitaha ang among website ug paminawa ang imong mga higala nga mohunghong sa imong dunggan og mga mensaheng makahatag og paglaum ug inspirasyon. Ug kung ang among Bisaya podcast nahimong panalangin sa imong faith journey, palihug suportahi kami pinaagi sa pag-subscribe sa among YouTube channel (link in bio).