Usahay tungod sa atong mga sayop, kasakit, ug kahadlok, maglisod ta sa pagduol sa Dios. Basin nagtuo ka nga dili naka takos sa Iyang gugma, o basin naghunahuna ka nga naa pa kay panahon aron modangop Kaniya. Pero unsa kaha bayan kung ang higayon nga imong gibalewala mao diay ang labing importante nga desisyon sa imong kinabuhi?
Pagtubo, pagdasig, ug pag-uswag diha sa imong pagtuo Karong Domingo alas 6:00 sa buntag (Philippine time), kuyog nila Pastor Dodz, Barok and Takya sa Kinabuhing Kristohanon Show (a Bisaya Podcast Network) samtang atong hisgutan ang makahuluganon nga topic: “Gihatagan Ka ug Kaluwasan Apan Imo Bang Gidawat ang Pasaylo?”
Nakabase ni sa Hebreohanon 2:3, nga gipahinumdoman kita nga dili nato angay pasagdan o balewalaon ang kaluwasan nga gitanyag sa Dios pinaagi kang Hesu-Kristo. Ang Dios naghatag kanato og paagi aron maluwas, apan kinahanglan nato kining seryosohon ug dawaton. Dili nato angay tugotan nga ang maong higayon mawala lang tungod sa atong paglangan o pagbalewala.
Pamalandongi kini nga spiritual vitamins, bayan: Nasayod ba ka nga si Jesus namatay alang sa imong mga sala, pero wala pa ba nimo hingpit nga gidawat ang Iyang pagpasaylo? Basin nagdala gihapon ka sa kasubo ug kahadlok tungod sa imong kagahapon, bayan. Apan ang Dios nagtanyag og bag-ong kinabuhi pinaagi kang Hesu-Kristo. Dili Niya gusto nga magpabilin ka sa imong mga sala ug pagbasol, kondili nga moduol ka Kaniya ug mosalig sa Iyang kaluwasan.
Ang maayong balita bayan mao nga ang Dios wala magbilin kanato nga walay paglaom. Pinaagi kang Hesu-Kristo, gitanyag Niya ang pasaylo ug kaluwasan. Busa, ayaw paglangan sa pagduol Kaniya. Ayaw tugoti nga ang imong mga kabalaka, pagduhaduha, o mga sayop sa kagahapon maoy makapugong kanimo sa pagdawat sa Iyang grasya.
Busa, tan-awa ang Kinabuhing Kristohanon Show karong Domingo alas 6:00 sa buntag (Philippine time)! Kuyogi sila Pastor Dodz, Barok and Takya aron mas masabtan nato ang kamahinungdanon sa pagdawat sa kaluwasan ug pagpasaylo nga gitanyag sa Dios.
Kung kini nga mensahe nakatandog sa imong kasingkasing o nakapalig-on sa imong pagtuo, palihug suportahi mi pinaagi sa pag-subscribe sa among Bisaya Podcast YouTube channel. Ang imong suporta makatabang na kanamo sa paghimo pa og daghang makapadasig nga content aron mas daghang tawo ang makadungog sa pulong sa Ginoo ug makaila sa Iyang gugma.
Ug kung naa kay higala nga imong nakita nga hinay-hinay nang nawad-an sa pagtuo o murag nalumos na sa iyang mga problema, ipaambit kaniya ang among podcast show. Basin ang mensahe nga iyang madungog mao ang pahinumdom nga iyang gikinahanglan aron moduol pag-usab kang Hesu-Kristo.
Bayan, ayaw balewalaa ang kaluwasan nga gitanyag sa Dios. Dawata ang Iyang pasaylo, salig kang Jesus, ug ayaw paglangan sa pagduol Kaniya. Kay ang kaluwasan usa ka gasa nga dili nato angay pasagdan.
#SimbaTa #Simbalay #tabang