Ang uban moingon, “Tradisyon na gud ni!” Pero unsa man kung ang tradisyon kon nalayo nata sa kamatuoran? Ang Bibliya nag-ingon, “Ang buhi kabalo nga siya mamatay, apan ang patay wala nay kahibalo.” Mao bitaw nga bisan unsa pa nato’g ihatag, pagkaon, beer, o sigarilyo, dili na makausab sa ilang kalag.
Ang tinuod nga bilihon nga ihalad dili makita sa atong mga lamesa, kundi sa atong kinabuhi nga matinud-anon ug mapinanggaon samtang buhi pa ta. Ang pag-alagad ug pagtuo mao’y labing halangdon nga handumanan. Maayo ang Dios, ug gusto Niya nga makabaton ta’g kalinaw, dili kahadlok.
Kung nakapahimangno o nakapahikap ni sa imong kasingkasing ang mensahe namo karon, hinaot nga makasubscribe ka sa among Bisaya Podcast YouTube channel o paminawa ang among podcast sa Kinabuhing Kristohanon website. Sa imong gamayng suporta, makatabang ka nga magpadayon kami sa paghatag ug mga mensaheng makapadasig, makapamalandong, ug makaduol pa sa Ginoo. Ang tinuod nga paghandum sa atong minahal nga namatay mao ang pagpuyo nga matarong ug buhi diha sa pagtuo.