Ang kamatuoran bayan, kay kitang tanan natawo nga naay sala, gikan pa sa panahon ni Adan ug Eva. Mao nang makita nato ang pagkabulag sa pamilya, kasina, ug kawalay pagsinabtanay sa mga tawo karon. Tinuod, wala’y Kristohanon nga perfect. Apan ang maayo nga balita mao ni, dili na sala ang mohatag ug katapusan sa imong istorya.
Pinaagi kang Hesu-Kristo, ang atong kapakyasan mahimong gi-ilisan ug paglaum ug kaluwasan. Ang iyang sakripisyo mao ang naghatag nato ug bag-ong kinabuhi ug pasalig sa kahangturan uban sa Iya. Dili na nato kinahanglan magpuyo nga ulipon sa sala, kay sa Iya kita bag-o nga binuhat.
Busa ayaw tugoti nga ang imong kagahapon ang modikta sa imong kaugmaon. Pilia ang grasya ni Kristo. Aron makadungog pa ka og dugang mensahe nga makapabag-o sa imong kasingkasing, tan-awa among wali ni Pastor na Bisaya live stream sa matag Domingo sa alas 6 sa buntag (Philippine time) ug subscribe sa among Bisaya Podcast YouTube Channel kung kini nakahatag ug bili sa imong kinabuhi.
#bisayapodcast #filipinochristian #filipinochristianliving