Usahay sa kinabuhi nato bayan, moabot ta sa punto nga murag kulang na ang tana—kulang nata sa kusog, paglaom, o tubag. Basin mao pud ni ang imong kahimtang karon bayan. Pero ang istorya sa bibliya sa Cana nagpahinumdom kanato nga ang atong pagtuo dili lang para sa mga panahon nga sayon ang tanan.
Lakaw uban ang imong pagtuo, pakan-a ang imong kalag karong Domingo alas 6:00 sa buntag (Philippine time), ubani sila Pastor Dodz, Barok and Takya sa Kinabuhing Kristohanon Show (a Bisaya Podcast Network) samtang ilang hisgutan ang topic nga “Makita Nimo ang Milagro Kung Naa kay Pagtuo Kaniya”.
Gi-base ni sa bersikulo sa Bibliya na Juan 2:1-11, didto sa usa ka kasal sa Cana, nahurot ang bino ug nahimo kining usa ka dakong problema. Gidala ni Maria ang sitwasyon kang Jesus ug giingnan ang mga sulugoon nga buhaton kung unsa ang Iyang isulti. Ug pinaagi sa Iyang gahum, gihimo ni Jesus nga bino ang ordinaryong tubig.
Dili lang ni istorya sa bibliya bahin sa milagro bayan, kondili gipakita ani kung kinsa gyud si Jesus ug kung unsa Siya kaamumahan sa atong mga panginahanglan. Ang mga tinun-an nakakita sa Iyang himaya ug mas milig-on ang ilang pagtuo Kaniya.
Basin naa ka sa sitwasyon karon bayan nga murag nahurot na ang imong “bino”—nahurot na ang imong kusog, paglaom, o pailob. Pero bayan, basin ang imong gitan-aw nga kakulangan nimo mao mismo ang lugar diin gusto ipakita ni Jesus ang Iyang gahum. Dili nato kanunay masabtan ang Iyang pamaagi bayan, pero mahimo kitang mosalig ug mosunod sa Iyang giingon.
Kung ikaw usa ka Kristiyano nga nagkinahanglan og bag-ong kusog sa pagtuo, o usa ka tawo nga nagsugod pa lang sa pagpangita sa Dios, kini nga Bisaya Christian Life show kay para gyud kanimo, bayan. Ang pangutana dili lang kung makakita ba ta og milagro, kundili kung andam ba ta nga mosalig kang Jesus bisan wala pa nato makita ang resulta.
Busa, tan-awa ang Kinabuhing Kristohanon Show (a Bisaya Podcast Network) karong Domingo alas 6:00 sa buntag (Philippine time). Basin kini mensahe nga imong madungog mao na diay ang pahinumdom nga imong gikinahanglan aron mosalig ka pag-usab kang Jesus, bayan.
Kung kining Bisaya sermon nila Pastor Dodz, Barok and Takya adunay bili para nimo, nakatandog sa imong kasingkasing, o nakapalig-on sa imong pagtuo karon, palihug Subscribe sa among Bisaya Podcast YouTube channel. Ang imong suporta makatabang na kanamo sa paghimo pa og daghan pang makapadasig nga content nga makahatag og paglaom, kaalam, ug mas lawom nga pagsabot sa Pulong sa Dios.
Busa, ayaw kawala sa imong paglaom, bayan. Kung mosalig ka Kaniya ug mosunod sa Iyang giingon karon, basin makita nimo ang milagro nga wala nimo damha.
#KinabuhingKristohanon #PhilippinesChristian #WaliBisaya