Pangitaa ang paglaum ug kinasingkasing nga mga istorya sa imong panaw sa pagtuo - tanawa mi karong Domingo alas 6:00 sa buntag (Philippine time), kuyog sa Kinabuhing Kristohanon Show (a Bisaya Podcast Network) uban nila Pastor Dodz, Barok and Takya sa usa ka makapalig-on sa pagtuo nga pagtuon sa pulong sa Dios pinaagi sa topic nga “Nalumos na ba ang Imong Paglaum Tungod sa mga Dagkong Balod?”
Gibase ni sa bersikulo sa bibliya na Marcos 4:35-41, gisugilon ang panahon nga ang mga disipulo nahadlok tungod sa kusog nga bagyo. Samtang sila naghunahuna nga sila nalumos na, gipahunong ni Jesus ang hangin ug ang dagkong balod pinaagi lamang sa Iyang pulong. Usa ni ka dako nga milagro nga nagpamatuod nga walay sitwasyon nga dili makontrolar sa Ginoo.
Kung nag-atubang man ka karon ug kahadlok, problema sa pamilya, kasakit, o mga pagsulay nga murag dili na masulbad, hinumdumi nga ang Ginoo anaa gihapon sa imong “bangka.” Tingali dili dayon Niya kuhaon ang bagyo, apan dili ka Niya biyaan niini. Ang tinuod nga paglaom makita sa pagsalig kang Kristo bisan kusog pa ang unos.
Busa, uban kanamo sa usa ka makadasig nga bisaya sermon nga makapalig-on sa imong pagtuo ug makapahinumdom nga si Jesus mao gihapon ang Ginoo sa matag balod ug bagyo sa imong kinabuhi.
Tan-awa ang Kinabuhing Kristohanon Livestream karong Domingo alas 6:00 sa buntag (Philippine time). Dad-a usab ang imong pamilya ug mga higala aron dungan tang maminaw ug mapalig-on sa Pulong sa Dios.
Kung nakahatag ug kalig-on sa imong pagtuo ang Bisaya sermon nila Pastor Dodz, Barok and Takya, hinaut nga sultie usab kini sa imong mga higala about aning podcast. Tingali adunay usa kanila nga nag-atubang ug kusog nga unos sa kinabuhi ug nanginahanglan ug gamayng paglaom. Ang Kinabuhing Kristohanon (a Bisaya Podcast Network) mahimong ilang espirituhanong bitamina—mga pulong nga makapalig-on sa kalag, makapahupay sa kasingkasing, ug makapabalik sa pagsalig kang Jesus. Kay usahay, usa lang ka mensahe ang gigamit sa Ginoo aron mapakalma ang unos sa usa ka kinabuhi. Salamat bayan!
#filipinochristian #bisayasermon #bagyo