Pagbayaw sa imong kalag gamit ang balaang mga pulong karong umaabot na Domingo alas 6 sa buntag (Philippine time), uban kanamo sa Kinabuhing Kristohanon Show (a Bisaya Podcast Network) sila Pastor Dodz, Barok and Takya sa hilisgutan “Paghinulsol Karon, Aron sa Tinuod nga Kaluwasan.” Atong pamalandungan ang sambingay sa kasal sa Mateo 22:1–14, usa ka hulagway sa gingharian sa Diyos diin daghan ang giimbitar, apan dili tanan ang napili. Ang mensahe sa ebanghelyo klaro, naay imbitasyon kanimo, apan naa usab responsibilidad.
Kini nga Storya sa Bibliya nagpahinumdom kanato nga ang paghinulsol dili lang option, apan kini maoy dalan padulong sa tinuod nga kaluwasan. Ang gugma sa Diyos nag-awhag, apan naa usab paghukom alang sa mosalikway. Basin karon na ang takna nga motubag ka bayan sa Iyang imbitasyon ug magsul-ob sa “sinina sa kasal” sa pagtuo ug pagbag-o.
Kung ang mensahe namo aning episode nakaigo sa imong kasingkasing karon, nga daghan ang gi-invite apan pipila lang ang motubag ug nagpabiling nangandam; hinaot nga dili lang ka motanaw ani, kundili moresponde usab sa tawag sa Ginoo. Kung naka-connect kini sa imong espiritu ug nakahatag og kahayag sa imong pagtuo karon, palihug subscribe sa among Bisaya Podcast YouTube channel. Sa imong suporta, makatabang ka nga mas daghan pang kalag nga nagapangita og paglaum ang madala ngadto sa kahayag sa Diyos.
#filipinochristianliving #filipinochristianlife #kinabuhingkristohanon