Lakaw diha sa pagtuo, ibayaw ang mong espiritu karong Domingo sa alas 6 sa buntag (Philippine time) sa Kinabuhing Kristohanon Show, kuyogi sila Pastor Dodz, Barok and Takya sa hilisgutan “Pagsangyaw ug Pagdayeg Bisan sa Kangitngit sa Kalangitan.” Atong hisgutan ang istorya sa Buhat 16:24-26; kung giunsa nila Pablo ug Silas nga bisan gibunalan na sila ug gilabay sa pinakangitngit nga selda tungod sa ilang pagsangyaw, wala gihapon sila nagpaluya. Sa tunga sa ilang kasakit, nag-ampo ug nag-awit gihapon sila og pagdayeg sa Ginoo.
Usahay dili man literal nga prisohan, pero murag gibati nga gigapos gihapon ta sa kahadlok, kasakit, o kapakyasan karon. Ang mensahe namo karon nagpahinumdom kanato nga bisan sa pinakangitngit nga selda sa atong kinabuhi, ang pagdayeg adunay gahum. Kung ang Ginoo makalihok sa usa ka Romanong prisohan, unsa pa kaha sa imong sitwasyon karon? Ang kangitngit sa kalangitan dili katapusan, kondili pwede kini mahimong sugod sa imong milagro.
Kung ang mensahe namo karon sa Kinabuhing Kristohanon, nakaigo sa imong kasingkasing, nga bisan pa sa pinakangkangitngitan nga prisohan, ang Ginoo makahimo gihapon og milagro, hinaot nga magpadayon ka sa imong pagtuo ug pag-ampo bisan sa kalisod karon. Kung naka-inspire o naka-connect ka sa among mensahe nila Pastor Dodz, Barok and Takya, palihug subscribe sa among Bisaya Podcast YouTube channel. Kay ang imong suporta makatabang na aron mas daghan pa ang makadungog sa paglaum ug gahum sa Ginoo bisan sa ilang “inner prison” nga kahimtangan karon.
#kristohanon #bisayaworship #filipinochristian