Usahay, tungod sa atong mga sayop bayan, mobati ta nga dili nata takos moduol sa Dios. Basin naa kay sala nga dugay na nimong gidala, o nangutana ba ka sa imong kaugalingon kung mahimo pa ba kang mapasaylo. Pero bayan, ayaw kalimot nga wala gyud ta gibiyaan ni Jesus.
Pinaagi sa ang paglansang sa krus ni Hesus, Iyang gidala ang silot nga angay unta nato tungod sa atong mga sala. Sumala sa 1 Pedro 2:24-25, Iyang gihalad ang Iyang kaugalingon aron kita mabuhi nga gawasnon gikan sa sala, makadawat og pasaylo, ug makabalik sa Dios. Ang krus dili lang simbolo sa pag-antos, kondili pahinumdom sa gugma ug sakripisyo ni Jesus alang kanato.
Bisan pa og kita makasala bayan, dili kinahanglan nga magpabilin ta sa atong kagahapon. Adunay paglaom alang sa matag usa nga andam modawat sa Iyang grasya ug magbag-o sa kinabuhi.
Ubani sila Pastor Dodz, Barok and Takya, ug atong hisgotan ang hilisgutan nga “Pangayo ug Pasaylo kay Gipas-an ni Hesus ang Imong Sala.”
Busa, ayaw palabya kini nga Bisaya sermon episode, bayan! Tan-awa ang Kinabuhing Kristohanon Show (a Bisaya Podcast Network) karong Domingo, alas 6:00 sa buntag (Philippine time). Kung nakatandog o nakapalig-on sa imong pagtuo ang among wali Bisaya, palihug SUBSCRIBE sa among Bisaya Podcast YouTube channel. Ang imong suporta bayan makatabang na kanamo sa paghimo pa og daghang inspirasyonal nga mga content nga makapalig-on sa pagtuo sa uban.
Ayaw kahadlok pangayo og pasaylo, bayan. Si Jesus na ang midala na sa imong mga sala. Duol na pag-usab sa Dios!
#hugotchristiano #SalamatGinoo #kahadlok