Naka-experience na ba ka bayan kanang gisaway ka tungod sa imong grabi rah nga debosyon sa Ginoo? Unsa kaha bayan ang imong buhaton kung ang imong gugma para Kaniya dili masabtan sa uban tawo?
Pukawa ang imong espiritu, pasiga-a ang imong pagtuo sa pinakabag-ong episode sa Kinabuhing Kristohanon: a Wali Bisaya Preaching, maghisgot sila Pastor Dodz, Barok and Takya sa topiko nga “Debosyon nga Gihatag ang Tanan, Bisan Naay Pagsaway.” Gikan ni sa Marcos 14:3–9, ug atong makita ang usa ka babaye nga nagbubo og mahalon nga pahumot kang Hesus. Bisan gi-criticize na siya ug giingnan nga sayang, iyang gipakita nga ang tinuod nga debosyon wala nakabase sa opinyon sa uban. Kay para kang Hesus, kini nga buhat kay usa ka andam alang sa Iyang paglubong, ug usa ka ehemplo nga dili makalimtan.
Usahay, ang atong ihatag sa Ginoo bayan murag gamay rah sa mata sa uban, pero sa Iya, bililhon na kaayo. Ang leksyon? Ayaw ihatag ang mga salin lang kang Jesus kondili ihatag ang pinakamaayo nimo. Bisan pa og naa’y pagsaway bayan, ang tinuod nga debosyon gikan sa kasingkasing makahatag na og kahulugan ug kalipay nga dili mapulihan.
Kung ang Bisaya sermon namo diri sa Kinabuhing Kristohanon nakaigo sa imong kasingkasing, nga ang tinuod nga gugma ug debosyon kang Jesus dili kahadlokan na ihatag ang pinakada-best nimo, hinaot nga makapadayon ka sa paghigugma ug pag-alagad Kaniya uban sa tibuok nimong kasingkasing. Kung naka-inspire o naka-connect ka ani among panaghisgot nila Pastor Dodz, Barok and Takya, bisitaha ang among website ug paminawa ang imong mga higala nga maghunghong sa paglaum ug pagtuo sa imong dunggan, o suportahi kami pinaagi sa pag-subscribe sa among Bisaya Podcast YouTube channel. Ang imong suporta bayan makatabang na sa pagpadayon sa mas daghang mensaheng nga makapalig-on sa espiritu.
Follow and Subscribe Now!
WEBSITE - https://kinabuhingkristohanon.com/
YOUTUBE - https://www.youtube.com/c/bisayapodcast
BAROK AND TAKYA - https://barokandtakya.com/
FACEBOOK - https://www.facebook.com/kinabuhingkristohanonshow/
HUGOT KRISTIYANO - https://barokandtakya.com/kinabuhing-kristohanon-hugot-kristiyano/
BISAYA PODCAST - https://www.facebook.com/barokntakya/
TIKTOK - www.tiktok.com/@kristohanongkinabuhi